Kwatsj veur de Kwatsjkop

Veer ès carnavals vereniging vènje et jel leuk om òzze Kwatsjkop op te vrolijke mit leuke verhöälkes.

Höb geer leuke kwatsj, twiefel dan neet, mail het òs via: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

Sjrief gerös in het holles, veer vertaale het waal.

 

 

4 X 11 kjear Kwatsjkop in Meas.
In 1972 woar door ’t toenmalige bestuur van de Koeleköp bedach
om ouch ein carnavals bleadje te goan oetgeave,
Ein grwoat succes kènne veer noe joare later zègge.
In 1973 woor de jeatste Kwatsjkop oetgegeave, mit Prins Zef 1 op de kaft,
44 Prinse höbbe dees eervolle taak al moage opvolge.
Hjeal vöäl luuj höbbe zich door de joare heen ontzettend ingezat om dit bleadje te make tot wat ’t noe is.
Eine minsj dea veer hie zeker in motte vernumme is Wim van de Snieder.
Joare langk head hea de kar getrokke om de Kwatsjkop te make tot wat hea noe is.
De euvereinkomste tösje al dees bleadjes zin de Kwatsj van de luuj van Meas.
Stommigheid die weurd oetgezat, verspreakinge of angere kwatsj
zin 44 edities lang de hoofzaak van de Kwatsjkop geweas,
door vöäl Measeneare altied noa de redactie verzonje en dat is gèt wo veer uch hjeal dankbaar veur zin,
en veer houpe dan auch dat dit nog joare zwoa bliet doorgoan.
Dankbaarheid spreake veer zeker oet noa de adverteerders al dea tied, sommige zelfs al vanaaf ’t begin.
Zônger dees adverteerders kènne veer dit natuurlik neet.
44 kjear eine Kwatsjkop dat wille veer natuurlik viere, veurig joar zoag geer al ozze nuuje kaf.
Dit joar höbbe veer oet auw Kwatsjköp advertenties gehoald en doa ein leuke priesvroag van gemaakt,
wie en wat zeet geer wiejerop in dit beukske.
Auch veur de kènjer tot 12 joar vilt der get leuks te wènne, kortom eine Kwatsjkop veur jongk en auwt.
In de priesvroag van de auw advertenties zult geer zin dat veer in Meas al vöäl zaake zin kwiet geraak
maar veer zulle d’r same veur motte zörrige dat Meas ein dörpke bliet woaste grwuetsj op kèns zin.
Nogmaals hartelik dank aan eederein dea ummer aan de Kwatsjkop heat mit gewirkt, door te adverteere,
stökskes aan te leevere, de Kwatsjkop mit in ein te zette of door de Kwatsjkop te koupe.
Op noa 5 X 11 kjear Kwatsjkop